Aí ven " O Apalpador"

O Apalpador vive nas devesas do Courel desde hai tantos anos que ninguén sabe xa cantos ten. Pasa día a apañar madeira para facer o carbón. E no outono aproveita a viaxe e tamén vai ás castañas. De volta a casa, senta a carón da lareira e escolle con moito agarimo a madeira máis seca e de mellor calidade, saca a súa navalla e ponse a entallar. E así un día e outro, e outro, e outro… Ata que canso de estar só decidiu escribirnos e vir a nosa clase a facernos unha visita. 


¡Que alegría! Encántanos recibir visitas e máis unha tan especial. Cando entrou pola clase as nosas caras reflexaban o que nos pasaba pola cabeza non o podiamos crer estaba aí realmente e puidemos abrazalo, tocalo... ¡Que barba! ¡Que voz! ¡Que altura! ¡Que amable! 



É certo o que limos nos contos o Apalpador sempre ten bo humor e sentouse con nós a contarnos como foi a súa viaxe andando dende a súa casa ata chegar a vernos. 




Ademais, ata nos contou unha das súas historias.Tamén nos dixo que día pasa polas casas o 31 de Decembro, o último día do ano.






Con agarimo, o Apalpador aloumiñounos as barrigiñas para ver se están mantidos. E como todos coméramos moito…contento deunos a cada un, un pequeno agasallo feito coas súas mans e unas castañas para seguir mantidos todo o ano.  



Moitas grazas Apalpador pola visita, moitas grazas aos colaboradores que permitiron que nos visite este personaxe cheo de maxia. . Grazas a profe Manuela e o seu irmán Ismael por a súa ilusión, ledicia e por conseguir sacar do conto e traelo a realidade, foi o mellor regalo.



No hay comentarios:

Publicar un comentario